Kêng măng 25/7, ta Ngih Kruanh dak, Kruanh dak Tô Lâm lĕ wơt Mpôl đại biểu gưl prêh Đảng, Ngih dak yor đồng chí Thongloun Sisulith, Tổng Bí thư, Kruanh dak Lào leo trong hăn râng khĭt Tổng Bí thư Nguyễn Phú Trọng. Kruanh dak Tô Lâm lah uĕh Ban Chấp hành Trung ương, Ngih dak, Quốc hội, chính phủ n’hanh Mặt trận Lào ndâk njêng neh dak lĕ njuăl nău tâm pă rngot mpeh nău Tổng Bí thư Nguyễn Phú trọng roh, an wêr khĭt lam dak 2 nar n’hanh lĕ đă Mpôl gưl prêh yor Tổng Bí thư, Kruanh dak Lào leo hăn râng khĭt, mpơl nău rŏng đồng chí oh nô dăch dêh, du nuih n’hâm, hăn ndrel, tâm pă nău rngot klâng 2 Đảng, 2 dak n’hanh nuĭh ƀon lan 2 dak.

Kruanh dak Tô Lâm mĭn lah bôl ta nău kan, Tổng Bí thư Nguyễn Phú Trọng uănh khlay bôk năp, an nău uănh mĭn êng, krêp tĭng đah cách mạng Lào, dăch dêh đah ăp đồng chí Kruanh dak Lào, tâm nĕ geh êng đồng chí Thongloun Sisulith, uănh mĭn mro n’hanh mât rgum an nău tâm boh tâm rnglăp têh, kan ndrel lĕ rngôch Việt Nam-Lào kơt tâm boh krêp dêh, tâm rnglăp đah 3 Đảng, 3 dak n’hanh nuĭh ƀon lan 3 dak Việt Nam-Lào-Campuchia, uănh aơ lah nău khlay, tĭng roh hôm e, nkô̆ nău khlay bôk năp đah rnă njrăng, hun hao bah neh dak.