Tĭng ƀư bôk nău kan năm 2023, ôi 20/12, Ban rđău đă 35 Trung ương ƀư tâm nchră lam dak sơ kết 5 năm an tĭng ƀư Nghị quyết mbrô 35 bah Bộ Chính trị khóa XII mpeh “N’hao dăng mât njrăng jâng nsing nău mĭn bah Đảng, rlăch ndăng ăp nău mĭn tih leh, êh rkeh tâm nô nău mhe” n’hanh n’glôch jêh pah kan năm 2023, an ƀư nău dơn kan năm 2024. 

Ủy viên Bộ Chính trị, Kruanh dak Võ Văn Thưởng, Kruanh Ban rđău đă 35 Trung ương râng, rđău đă tâm nchră. Lah rđău đă ta rnôk tâm nchră, Kruanh dak Võ Văn Thưởng dăn đă ăp gưl ủy Đảng đăm gĭt jru lơn đŏng nău dơn kan mât njrăng jâng nsing nău mĭn bah Đảng, rlăch ndăng ăp nău mĭn tih leh, êh rkeh, lơn lah tâm nô nău aƀaơ; ntrŏng gĭt kloh nău mĭn bah nuĭh mât bôk n’hanh ăp cán bộ, đảng viên tĭng ƀư pah kan dja. Ndrel đah nê, ntik lơn đŏng nău khlay kan, nău dơn kan bah ăp nhih pah kan tâm mât njrăng jâng nsing nău mĭn bah Đảng; n’hao săk tam nău lư, nkoch trêng, ring lam nău lư uĕh, rôih dăng rlăch ndăng ăp nău mĭn tih leh, êh rkeh./.