Lŏ hăn kan tâm Gia Lai, tâm lơ 5/9, ta nkuăl ƀon têh Pleiku, Kruanh dak Võ Văn Thưởng tât khâl ndrel pah kan ta Binh đoàn 15- rmôt kan geh bơi tât 40 năm ƀư nau ndâk njêng ăp nkuăl văng sa neh dak tâm nkuăl Tây Nguyên ndrel Nam Quảng Bình. Lah rjăp, nkuăl Tây Nguyên geh ntŭk khlay, lah ntŭk n’hâm bah ngih Đông Dương, Kruanh dak đă Binh đoàn 15 lŏ ntrŭnh ƀư rjăp nau ntrŭnh, ntrong kan tahen neh dak bah Đảng, Quân uỷ Trung ương, N’gâng kan neh dak, mât nâp ntrong kan mât đăp mpăn neh dak tâm rnôk mhe.

Nau ntrŭnh bah Bộ chính trị mpeh nau kan hun hao văng sa, rêh jêng ndrel đăp mpăn neh dak, rnă njrăng nkuăl Tây Nguyên tât năm 2030, rƀŏng tât năm 2045. Kruanh dak kŏ nkah đă Binh đoàn 15 ân geh n’hao nau kan mât nau ƀư, mĭm nau nchrăp mbơh, nchrăp mbơh nau kan đah Quân uỷ Trung ương, N’gâng kan neh dak gay geh nau rđau năn, mô ân geh ăp nau tât khuch jêr mpeh nau kan neh dak, ƀư ueh nau kan mât neh dak tă bah ơm, tă bah ngai, mât neh dak ntơm rnôk mô geh nau tât./.