Kêng măng 15/12, ta Ntŭk kruanh dak, Kruanh dak Võ Văn Thưởng mâp măt, rnê rhơn ăp ntoh lư gĭt blău nkual ƀon têh Cần Thơ. Nar mâp măt dơi ƀư gay rƀŏng tât nkah gĭt 20 năm ndâk njêng nkual ƀon têh Cần Thơ mpeh tâm Trung ương (1/1/2004-1/1-2024). Ăp nuĭh ntoh lư dơi ntô̆ n’hao, rnê rhơn rơh aơ lah ăp ntoh lư, dŭt blău dơi săch bah gưl bah dâng hao nkual ƀon têh ntoh măt an lĕ rngôch ăp nău kan, ntil nău n’hanh ăp kon nuĭh; geh âk nău rgop tâm trong hun hao wăng sa-rêh jêng nkual ƀon têh Cần Thơ tă bah ăp lvang.

Kruanh dak Võ Văn Thưởng lah, tâm rnôk hun hao, Cần Thơ an uănh nuĭh ƀon lan ta n’gul. Đảng bộ, n’gâng kan ƀon lan ăp gưl an dăch dêh, mkra tĭng jêr jŏt, wăk kol, tĭng nău ji nuih an nuĭh ƀon lan. Yor “nău rƀŏng bah naư hun hao an djôt tât nău răm an nuĭh ƀon lan”. Ndrel đah nĕ ntrôl dăng lơn tay ăp ntrong leo tâm rlong rŏng dak, gay bah nĕ nta âk tay ăp ntoh lư gĭt blău râng nar lơ uĕh, rgop âk lơn n’hanh khlay lơn tay an nău hun hao bah nkual ƀon têh tâm năm tât.