Măng (1/1), ta Hậu Giang, râng n’hanh lah ta Lễ nkah ndray 20 năm njêng n’gor n’hanh wơt dơn Huân chương Lao động hạng Nhất, Kruanh dak Võ Văn Thưởng lah kloh, Hậu Giang dôl tâm rơh khlay wăch rgum ăp dơh uĕh, săk geh, jêng n’gor ân ndăn dŏng, ntik uĕh nău săk geh, dơh uĕh gay ơm jêng ntŭk chrat ang, n’gor geh mbơm oi bah nkual Đồng bằng Sông Cửu Long n’hanh lam dak. Ta rơh Lễ, ntơh măt kruanh rđău kan Đảng, Ngih dak, Kruanh dak Võ Văn Thưởng ntăm an Huân chương Lao động hạng Nhất an Đảng bộ, n’gâng kan n’hanh ƀon lan n’gor Hậu Giang.

Lah ta rơh lễ, Kruanh dak lah rjăp, Hậu Giang geh nău khlay rgum tơm bah nkual nhâp nar sông Hậu; lah ntŭk gŭ nde cách mạng tâm bar rơh tâm lơh. Tâm du njăr trong jong lịch sử bah rnoi nuĭh, ƀon lan Hậu Giang hŏ bun dăp jêng nău way ơm tâm rnglăp, du nuih n’hâm rôih tĭng, dăng janh, mô dơi roh. Gay ƀư n’gor Hậu Giang jêng n’gor geh mbơm oi tâm nkual n’hanh lam dak, ndrel đah nău tĭng ƀư jăp trong nchrăp bah Trung ương n’hanh Nghị quyết Đại hội Đảng bộ n’gor tâl XIV, Kruanh dak dăn đă Đảng bộ n’hanh ƀon lan Hậu Giang gĭt êng jru lơn nău khlay kan, ntŭk gŭ kan, săk geh, jêr jŏt, ntul rlong bah n’gor nơm n’hanh ăp nău tă ơm gĭt kơt nti khlay tâm 20 năm aơ./.