Ôi 10/3, Kruanh dak Võ Văn Thưởng, Kruanh Ban rđău đă râng n'hanh lah ta rnôk Tâm nchră n'glôch jêh 10 năm tĭng ƀư Nghị quyết Trung ương 8 khoá XI mpeh trong mât njrăng neh dak tâm nô nău mhe tă bah Thành uỷ Nkual ƀon têh Hồ Chí Minh ƀư. Lah ta rơh tâm nchră, Kruanh dak Võ Văn Thưởng dăn đă nkual ƀon têh ân tĭng ƀư jăp pah kan rdâk njêng, dăp rgum ăp tŏng Đảng n'hanh lam trong kan chính trị.

Lah rjăp ân ndơ̆ nuĭh ƀon lan lah rgum tơm tâm rnôk hun hao, Kruanh dak dăn đă Nkual ƀon têh ntrôl dăng tay hun hao văn hóa, rêh jêng kon nuĭh, ntĭm nti, mât chăm n'hâm suan, n'hao săk geh nău rêh bah nuĭh ƀon lan; rgum suan dăng bah ƀon lan, rdâk tay jâng nsing nâp dăng nuih n'hâm ƀon lan. Kruanh dak đă Nkual ƀon têh Hồ Chí Minh mât uĕh săk geh dơh uĕh, ntŭk gŭ kan khlay chính trị tâm pah kan tâm boh dak bah dih, n'hao nău dơi tam tâm boh hun hao wăng sa rêh jêng kon nuĭh n'hanh tâm nđŭr dak bah dih đah ăp dak lam ntŭr neh, lơn lah ăp dak tiểu vùng sông Mê Công, ăp dak ASEAN, ăp băl tâm boh têh.