Ntoh ngơi ta rơh tâm mâp, kruanh dak Võ Văn Thưởng mbơh tơih mpeh nău neh dak năm 2023, năm dơi geh uănh lah bôk năp tâm nău ƀư tĭng Nghị quyết Đại hội 13 bâh Đảng tâm ban kơt năm bôk năp bâh ƀư tĭng nău kan hun hao wăng sa rêh jêng 5 năm.

Bol ma nău ta nkual n’hanh lam ntur neh geh nău tât ndal jêr njrăng, geh nău  tăch proăt mpeh nău pă ndơ, yơn đah nău nsrôih bâh lĕ Đảng, lĕ tahen, lĕ ƀon lan, neh dak hôm nha geh âk nău dơi khlăy, lah nău ntoh lư ngăn. Mpeh du đê̆ nkô̆ nău êng ma ƀon lan mât uănh, kruanh dak an gĭt, nkuăl ƀon têh Đà Nẵng lĕ nsrôih doh rklaih ăp nău dăn đă bâh ƀon lan tâm ba năp nơh. Yơn lah geh du đê̆ nău mô dơn nkuăl ƀon têh dơi doh rklaih ma an geh tâm rgop đah ăp ntŭk kan trung ương tâm ban kơt ƀư lôch nău kan kơl an.