Ntoh ngơi ta rơh tâm mâp măt, kruanh dak Võ Văn Thưởng mpơl nău rhơn rnê n’hanh dơn kan têh kuăng rnôk geh BCH Trung ương, Tổng Bí thư Nguyễn Phú Trọng, ăp đồng chí leo kan Đảng, ngih dak knơm săch n’hanh Quốc hội knơm pă nău kan kơl an neh dak n’hanh ƀon lan đah nău kan kruanh dak.

Kruanh dak lah na nê̆ tât nău ŭch geh, nău khlăy tâm nău gĭt vât mpeh trong hăn hun hao bâh mpôl rnoi, bâh neh dak, mpeh ăp nău kan ma lĕ Đảng, lĕ ƀon lan n’hanh lĕ tahen an geh nsrôih ƀư tĭng mông nar let năp tay tâm ban kơt nău dơn kan têh kuăng ta năp Đảng, ngih dak n’hanh ƀon lan ma kruanh dak an geh nsrôih, nsrôih ƀư tĭng nău ntrŭnh bâh Hiến pháp. Mpơl nău mĭn kan, djăt năui tâm rgop, rdâk njêng bâh ƀon lan rŏng dak, kruanh dak Võ Văn Thưởng ŭch dơn geh ăp nău mbơh nău, dăn đă bâh nuih n’hâm dơn kan bâh cán bộ, nuĭh way kan ntŭk kan kruanh dak đah nău kan rdâk njêng n’hanh hun hao neh dak.