Lơ 13/12, ta ntŭk kan Kruanh dak, Kruanh dak Võ Văn Thưởng hŏ tâm nchră ma Tổng Bí thư Rnâng kan rđau Trung ương Đảng Cộng sản Trung Quốc, Kruanh dak Cộng hoà nhân dân Trung Hoa Tập Cận Bình. Tâm rnôk tâm nchră, 2 ding ndrel rhơn ăp nau tă dơi têh kuăng bah ăp Đảng, ăp dak tă geh dơi tâm nau ndâk njêng chủ nghĩa xã hội, leo nsĭt nau rêh hơm răm, đăp mpăn ân ƀon lan. Kruanh dak Võ Văn Thưởng lah rjăp hun hao tâm boh ma Trung Quốc mro lah nau săch kan, kơl an bôk năp tâm nau kan tâm nchră đah dak ba dih bah Việt Nam.

Tổng Bí thư, Kruanh dak Tập Cận Bình lah rjăp, Trung Quốc mro uănh Việt Nam geh nau dơi khlay, nau nau rƀŏng kơl an tâm nau tâm nchră đah dak tâm dăch bah Trung Quốc. Lah rjăp nau khlay bah nau n’hao nau tâm gĭt, tâm rnơm đah ƀon lan bar dak, 2 rđau kan đă ân n’hao tâm n’ur, tâm mâp đah ƀon lan 2 dak, ngăn lah rơh mom, n’hao nau nkoch trêng mpeh nau tâm boh ơm ueh bah 2 ding. Ndrel nar, Thủ tướng Chính phủ Phạm Minh Chính, Kruanh Quốc hội Vương Đình Huệ hŏ ndrel tâm nchră ma Tổng Bí thư, Kruanh dak Tập Cận Bình./.