Lŏ ăp nau kan tâm rnôk râng ƀư du pơh rƀŭn nchră tâm boh nau kan văng sa Châu Á-Thái Bình Dương (APEC) 2023 ndrel tâm rgop ƀư nau kan bar ding ta Hoa Kỳ, ôi 16/11 tĭng mông Việt Nam, Kruanh dak Võ Văn Thưởng mâp, tâm nchră ma rmôt ƀư nau kan tăch rgâl bah Hoa Kỳ-APEC. Tâm nar vơt, Kruanh dak Võ Văn Thưởng mbơh tât ăp mrôt kan ndrel tơm ntuh kơl Hoa Kỳ mpeh ăp nau kan ndrel nau rƀŏng kan bah Việt Nam tâm nau hun hao văng sa, lah rjăp, âk năm ma aơ, Hoa Kỳ lah dak kan nsum ƀư kan tăch rgâl khlay bah Việt Nam.

Kruanh dak lah rjăp, nau kan bar dak n’hao nau tâm boh kan nsum ăp ntil lah nau ueh gay ăp ntŭk kan tăch rgâl bah Hoa Kỳ n’hao tâm boh ma ntŭk kan tăch rgâl ngăn lah ăp nkuăl bah Việt Nam. Mpeh du đê̆ nau kan hôm nkol tâm nau tâm boh bar dak, Kruanh dak võ Văn Thưởng ŭch ăp rmôt kan bah Hoa Kỳ geh nau mbơh ngơi nsum gay Chính phủ Hoa Kỳ ơm kơp dơn nau văng sa bah dak Việt Nam; ơm leo Việt Nam luh bah rnoh moh săk mô geh kơl an chất bán dẫn gay pơk trong ân ăp nau kan, bôk nau ƀư tâm boh đah bar ding./.