Kruanh dak Võ Văn Thưởng ndơn kan an nuĭh leo kan Đảng, ngih dak njoăl tât Đức Tổng Giám mục Giuse Nguyễn Chí Linh - Tổng Giám mục Tổng giáo phận Huế ndrel đah ăp nuĭh chức sắc, chức việc  n’hanh lĕ rngôch ƀon lan công giáo njoăl nău rhơn nar Nôel n’hanh năm mhe 2024 ueh răm, đăp mpăn, hơm răm.

Lah na nê̆, Đảng, ngih dak way geh dơn ngoăy ƀư tĭng trong kan, nău kơl, mât đăp mpăn n’hanh tâm ryơk nău đăp mpăn, nău chroh, tâm nĕ geh ƀon lan công giáo, kruanh dak Võ Văn Thưởng an gĭt Đảng n’hanh ngih dak way geh nsrôih nta nău dơh nơih gay ma ƀon lan công giáo rêh ueh, chroh ueh, yor nău hun hao têh dăng bâh ngih dak. Ta rơh tâm mâp, Tổng giám mục Giuse Nguyễn Chí Linh knơm đah nău ntrŭnh, nău kơl bâh Đảng, ngih dak, ƀon lan công giáo Việt Nam lah nsum n’hanh Tổng giáo phận Huế lah êng mbra n’hao tay lơn nău dơi, nău geh bâh nơm, tâm rgop âk tay lơn an nău kan hun hao n’hanh rdâk njêng neh dak tâm let năp tay.