Kêng măng nđaơ (26/11), Kruanh dak Võ Văn Thưởng n’hanh I ur leo Mpôl đại biểu gưl prêh Việt Nam lĕ tât Thủ đô Tokyo, khâl na nê̆ Nhật Bản bah nar 27/11 tât 30/11. Tâm rơh khâl, Thủ tướng Nhật Bản Kishida n’hanh I ur ƀư tơm lĕ wơt Kruanh dak Võ Văn Thưởng n’hanh I ur.

2 nuĭh kruanh mbra leo mpôl gưl prêh 2 dak rgum nchră, uănh lah ăp săk rnglăy dơi geh tâm 50 năm ndâk njêng tâm boh tâm rnglăp n’hanh n’gluh an ăp trong kan ndrel têh dăng lơn tâm năm tât. Kruanh dak Võ Văn Thưởng n’hanh I ur mbra rgum nchră Nuĭh kđăch n’hanh ur kđăch Nhật Bản; mâp Kruanh Thượng viện, Kruanh Hạ viện Nhật Bản n’hanh geh nău ntoh ngơi khlay ta Quốc hội Nhật Bản; râng ƀư nkah gĭt 50 năm ndâk njêng tâm boh tâm rnglăp Việt Nam-Nhật Bản; Wơt kruanh du đêt Chính Đảng n’hanh du đêt chính trị gia Nhật Bản.