Kruanh dak lah na nê̆, Việt Nam năp kơi dơn ngoăy, uănh nău tâm boh tâm rnglăp way ơm ueh đah Campuchia, rhơn rnôk nău tâm boh 2 dak lơ ma hun hao ueh na nê̆.

Kruanh dak Võ Văn Thưởng lah na nê̆, Việt Nam way uănh khlăy nău tâm kơl kan, nău rŏng bâh ƀon lan Campuchia ta ăp rơh tâm lơh  mât an đăp mpăn ngih dak ntơm nơh tâm ban kơt ta rơh rdâk njêng n’hanh hun hao neh dak aƀaơ. Ndrel đah nău tâm rnglăp , dăch mper nkual neh, tâm ban văn hóa, ƀon lan 2 dak lĕ hăn ndrel nsum rdâng đah mpôl rlăng, ndrel rlet rlău nău jêr, nău tât n’hanh aƀaơ lĕ ndrel tâm kơl hun hao neh dak ăp dak. Kruanh dak mpơl nău rhơn dơn saơ ăp nuĭh leo kan Campuchia lĕ geh nău rŏng ueh đah Việt Nam, ŭch tĭng tay ăp rơh leo kan bôk năp, ƀư kloh ueh lơn nău tâm boh tâm rnglăp way ơm Việt Nam - Campuchia.