Ta rơh vơt, kruanh dak Võ Văn Thưởng rhơn Campuchia ƀư dơi ueh rơh săch kruanh Hội đồng xã, phường khóa V, mât đăp mpăn dơi nău kan ƀư kruanh ASAEN n’hanh AIPA tâm năm 2022, kơl nău kan n’hanh nău knơm lam ntur neh bâh Campuchia hao lơn.

Kruanh dak an gĭt, 2 dak lĕ geh ƀư dơi âk rơh tât khâl gâl têh đah 2 Đảng, bar ngih dak, rnoh prăk geh tăch ndơ đah 2 ding geh âk, ăp nău kan tâm kơl wăng sa, tâm nđur ƀon lan geh ƀư ntoh n’gôr, tâm nĕ geh tâm nđŭr đah ƀon lan 2 dak ta ăp n’gor n’har bri. Kruanh dak Võ Văn Thưởng ŭch đah groi Thủ tướng Samdech Krolahom Sar Kheng mpeh ntrôl nău tâm kơl ta nkual n’har bri bâh ăp mpông n’har bri, ntrôl ƀư lôch nău ntăm n’gâng n’har bri đah neh kơh, bâh nĕ ntrôl an rdâk njêng trong n’har bri đăp mpăn, ueh lăng, tâm rnglăp tâm kơl n’hanh hun hao.