Kêng măng 14/12, Kruanh dak Võ Văn Thưởng vơt Groi Tổng thống Cộng hoà Nam Phi Paul Mashatile tât mbah di rnôk hăn khâl Việt Nam ntơm lơ 12-15/12/2023. Tâm rnôk mâp, Kruanh dak rnê prêh nau geh bah rơh tâm nchră ngăn, săk tam đah Groi Kruanh dak Võ Thị Ánh Xuân ndrel Groi Tổng thống Paul Mashatile. Krianh dak lah rjăp, Việt Nam uănh khlay nau tâm boh yor tâm ndrel ndrel hun hao ma Nam Phi, ŭch 2 ding lŏ ntrŭt dăng tâm boh, ƀư rjăp lơn tay nau tâm boh tâm ăp nau kan tâm rơh tât.

Ntoh nau rhơn rnôk rơh bôk năp tât khâl Việt Nam ndrel Châu Á, Groi Tổng thống Paul Mashatile Ngih dak ndrel Chính phủ Nam Phi uănh khlay ndrel ŭch ntrŭt dăng nau tâm boh âk ding ma Việt Nam. Tâm nar vơt, 2 ding tâm ban nau tâm mâp, tâm nchră rmôt kan, ngăn lah gưl prêh gay ƀư rjăp lơn tay nau tâm rnơm chính trị, tâm kơl tâm ăp nau tâm nchră âk ding, ngăn lah ta Liên hợp quốc, ntrŭt dăng tâm boh văng sa, tăch rgâl, ntuh kơl, ntĭm nti ndrel ăp nau kan mhe kơt ntrơn rgâl mrô, văng sa bri, kơl an âk nau hun hao văng sa, rêh jêng bah ăp dak./.