Kêng măng 22/11, ta ntŭk kan Kruanh dak, Kruanh dak Võ Văn Thưởng vơt wa Vladislav Valerievich Shapsha, Kruanh n’gor Kaluga, liên bang Nga dôl geh rơh khâl Việt Nam. Tâm nar vơt, Kruanh dak Võ Văn Thưởng lah rjăp, Việt Nam uănh khlay nau tâm boh vay ơm, dak kan nsum ăp ntil Việt Nam-Nga, rnơm rơh khâl bah Kruanh n’gor rgop nau ntrŭt dăng nau tâm boh bar ding nar lơn rjăp, săk tam tơm.

Kruanh dak Võ Văn Thưởng tâm ban nau đah Kruanh n’gor Kaluga mpeh nau dơi tâm boh bar ding hôm têh, ngăn lah tâm nau kan tăch rgâl ndrel ntuh kơl. Đah nau tâm boh tâm rnglăp đah n’gor Kaluga ndrel Bình Thuận, Kruanh dak ŭch bar ding geh âk nau kan ntrŭt dăng lơn tay nau tâm boh mpeh pâl n’aih, ngăn lah rnôk n’gor Bình thuận geh ntŭk ueh, dak lêng ueh ndrel âk ntŭk dak lêng đah nau Nga./.