Kêng măng 8/1, ta ntŭk kan Kruanh dak, Kruanh dak Võ Văn Thưởng vơt Kruanh Quốc hội Cộng hoà Bulgaria Rossen Dimitrov Jeliazkov dôl khâl ngăn Việt Nam di rnôk bôk năm mhe 2024, ntoh nau khlay ndrel tâm rnơm tâm nau chính trị prêh tâm nau tâm boh bar dak. Wa Rossen Jelianzkov mbơh đah Kruanh dak mpeh nau tâm nchră geh nau dơi đah Kruanh Quốc hội Vương Đình Huệ ndrel lah rjăp, ŭch bar ding nsôih ƀư ân ueh ăp nau kan tâm boh dôl geh, tâm nê geh nau rƀŭn bah Uỷ ban bar Chính phủ Việt Nam-Bulgaria.

Tâm rnôk khâl, rmôt kan khâl ndrel pah kan tâm du đê̆ nkuăl, bah nê ndơn saơ nau geh dơi tâm boh hôm âk đah 2 dak, pơk luh nau tâm boh văng sa kŏ kơt lah tâm n’ur ƀon lan, rnê Việt Nam đă nŭih hăn ntĭm nau ngơi Việt ta Bulgaria. Kruanh dak Võ Văn Thưởng lah rjăp, Việt Nam mro uănh khlay nau tâm boh ma Bulgaria, tâm rơh tât, Kruanh dak ŭch 2 ding ân ntrŭt dăng lơn tay nau tâm boh chính trị nchră nau, ŭch ơm vơt Tổng thống Bulgaria kŏ kơt lah rđau kan gưl prêh ndrel ăp gưl bah Bulgaria khâl Việt Nam./.