Ntoh ngơi ta rơh vơt, kruanh dak Võ Văn Thưởng vơt rhơn đồng chí Lý Thư Lỗi leo mpôl Đại biểu Đảng Cộng sản Trung Quốc tât khâl Việt Nam n’hanh nkre lo rơh tâm nchră lý luận tal 18 đah 2 Đảng.

Kruanh rnâng an mbơh tơih nău mhe bâh Trung ương Đảng Cộng sản Trung Quốc Lý Thư Lỗi rnê âk ăp nău tâm rgop bâh kruanh dak Võ Văn Thưởng mpeh ntrôl nău tâm kơl kan đah 2 Đảng, bar dak tâm ban kơt nkah mboh mpeh n’hao nău săk rnglăy tâm rgop kan đah Ban tuyên giáo Trung ương Đảng cộng sản Việt Nam n’hanh Ban  mbơh tơih nău mhe Trung ương Đảng CS Trung Quốc. Bar rnâng kan mbra ntrôl tay lơn nău tâm rgop kan, tâm mbơh nău tă gĭt blău kan tâm nău mĭn văn hoá, n’hao nău mbơh tơih ueh mpeh nău way tâm rnglăp n’hanh ăp nău dơi ueh ta nău tâm boh kan đah 2 dak, ntop ntrôl tay nău tâm boh tâm kơl kan way ơm Việt Nam – Trung Quốc.