Kruanh dak Võ Văn Thưởng vơt nuĭh leo kan Hiệp hội way kan Nhật Bản- Việt Nam.
Thứ sáu, 17:08, 01/12/2023
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.Mnông- Ƀư tay ăp nău pah kan ta nkuăl ƀon têh Fukuoka ta rơh tât khâl ngăn dak Nhật Bản, ôi lơ 30/11, tĭng mông ta ntŭk, Kruanh dak Võ Văn Thưởng geh vơt mpôl leo kan Hiệp hội way kan Nhật-Việt, yor Giáo sư Mitsuo Ochi, Hiệu trưởng ngih nti Đại học Hiroshima leo hăn ndrel đah âk giáo sư, tiến sĩ, nuĭh kan khoa học, nuĭh way kan tâm âk trong pah kan dôl kan ta ngih nti đại học, viện mĭn uănh n’hanh ăp ntŭk kan êng ta Nhật Bản.
Rhơn geh tâm mâp Giáo sư Ochi n’hanh ăp nuĭh kan ndrel ta hiệp hội, kruanh dak lah na nê̆, ăp nău dơi geh tâm kơl bar dak Việt Nam- Nhật Bản tâm ba năp nơh geh nău tâm rgop têh bâh ƀon lan 2 dak, tâm nĕ geh Hiệp hội way kan Nhật Bản- Việt Nam, ngăn lah ta trong kan khoa học công nghệ, ntĭm nti. Đah nău 2 dak n’hao nău kan lĕ rngôch, aơ lah rơh nkhêp gay ma Hiệp hội an geh ntrôl tay ăp nău pah kan tâm kơl đah Việt Nam.
Tâm ban ŭch đah Giáo sư Ochi mpeh nău Hiệp hội ŭch tâm kơl kan đah Việt Nam tâm ăp trong kan, kruanh dak an gĭt, aơ lah ăp trong kan ma Việt Nam geh nău ŭch dŏng âk, nkre lah đă Hiệp hội mbơh ntrôl dăng ăp nău pah kan tâm kơl kan na nê̆ tâm let năp tay.
Viết bình luận