Kruanh dak  Võ Văn Thưởng rnê n’hanh mpơl nău rhơn geh mâp tay Thủ tướng Hun Manet ta rơh tata khâl ngăn dak Việt Nam; lah na nê̆ Việt Nam way geh uănh n’hanh ŭch mô rlu n’hao ndâk nsơm nău tâm boh tâm rnglăp kan n’hanh tâm kơl lĕ rngôch đah Campuchia.

Bar hê nuĭh leo kan tâm ban ŭch ntrôl tay lơn tâm kơl kan chính trị n’hanh mât rnă njrăng ngih dak, đăp mpăn nău rêh jêng, wăng sa tăch rgâl, khoa học, công nghệ, tuch tăm, pâl nđaih, tâm nđur ƀon lan, n’hao tay nău tâm kơl ntĭm nti, ntĭm nti n’hanh n’hao nău dơi nuĭh kan, tâm rgop n’hao nău pah kan mbơh tơih, ntĭm nti ăp nuĭh ƀon lan 2 dak, ngăn lah rơh mom mpeh nău lịch sử ndrel đah ăp nău dơi geh mpeh tâm boh tâm kơl lĕ rngôch Việt Nam- Campuchia.