Kêng măng 18/12, Kruanh dak Võ Văn Thưởng hŏ wơt Groi Thủ tướng Lào Kikeo Khaykhamphithoune dôl hăn khâl n’hanh pah kan ta Việt Nam. Kruanh dak Võ Văn Thưởng an lah hăn khâl, pah kan dŭt geh nkô̆ khlay đah bar Đảng, bar neh dak.

Kruanh dak nsing nơm, tâm nchră đah nkô̆: Hun hao văn hóa, kon nuĭh tâm rnôk hun hao neh dak tĭng trong rƀŏng xã hội chủ nghĩa – nău tă ơm gĭt bah Việt Nam, nău tă ơm gĭt kan bah Lào... mbra geh nău dơi uĕh lăng, rgop ƀư jru hvi lơn tâm boh đah bar Đảng, bar dak. Kruanh dak lah rjăp, tâm nău hun hao bah Việt Nam âk năm aơ way geh nău uănh khlay, nău tâm nkoch, ntroh n’gôr bah Đảng, Ngih dak n’hanh ƀon lan Lào oh nô. Tâm rnôk rđău kan bah he, bar Đảng hŏ ndrel tâm nkoch ăp nău tă ơm gĭt kan n’hanh geh nău dơi. Tâm boh đah Hội đồng lý luận bar ding nar lơn ma nsĭt geh nău tam./.