Kêng măng ntri (10/1), ta Nhih pah kan kruanh dak, kruanh dak Võ Văn Thưởng wơt Đại sứ New Zealand, wa bu ur Tredene Dobson n’hanh Đại sứ Peru, wa Augusto Morelli tât ntĭnh sĭt lĕ năm kan. Wơt Đại sứ New Zealand, kruanh dak Võ Văn Thưởng rnê âk Đại sứ geh ăp nău  rgop uĕh n’hanh geh nău tam, ƀư jru hvi tay tâm  boh tâm rnglăp n’hanh tâm boh tâm brê đah Việt Nam - New Zealand.

Kruanh dak ŭch rŏng, let năp tay ta ăp ntŭk gŭ pah kan, Đại sứ way rong an nău rŏng n’hanh ntrŭt ntrôl tâm boh Việt Nam-New Zealand. Wơt đại sứ Peru, Kruanh dak mbah rhơn wa Đại sứ Au-gút-xtô Mô-rê-li lôch jêh uĕh năm kan 6 năm ta Việt Nam, rgop uĕh n’hanh geh nău tam tâm nău ntrŭt ntrôl tâm boh uĕh lăng đah Việt Nam-Peru. Peru lah dak  tâm boh khlay bah Việt Nam tâm ăp dak nkual châu Mỹ La tinh n’hanh tâm pă ngăn trong uănh jŏ jong, tâm kơl nsum ta ăp rgum nchră tâm nkual n’hanh lam ntŭr neh. Kruanh dak mbah rhơn Đại sứ lôch jêh uĕh nău kan ta ntŭk kan mhe n’hanh way rƀŏng tât ntrŭt ntrôl tâm boh uĕh lăng Việt Nam-Peru.