Tâm rnôk hăn khâl n’gor Fukuoka, nar 29/11, Kruanh dak Võ Văn Thưởng ndrel mpôl ntơh măt gưl têh Việt Nam hŏ wơt Thống đốc n’gor Fukuoka n’hanh kruanh rđău kan du đêt n’gor ta nkual Kyushu kơt n’gor Nagasaki, Miyazaki, Saga, Kagoshima. Ta rơh wơt, Kruanh dak Võ Văn Thưởng rnê âk tâm boh, tâm rnglăp Việt Nam-Nhật Bản hun hao dăng, jru hvi n’hanh ngăn ngăn ta lĕ rngôch ăp trong kan, tâm boh hun hao âk mbah kơn đah 100 nkôp tâm boh gưl n’gor hŏ dơi njêng.

Kruanh dak Võ Văn Thưởng rnê âk nău nsrôih bah Thống đốc n’gor Fukuoka n’hanh kruanh rđău kan ăp n’gor nkual Kyushu tâm ntrŭt ntrôl tâm boh âk ntil trong kan đah Việt Nam. Kruanh dak dăn đă Thống đốc n’gor Fukuoka n’hanh kruanh rđău kan ăp n’gor nkual Kyushu nsrôih ƀư jêng ngăn ngăn tâm boh ma trong ntrŭt ntrôl ăp nkôp tâm boh gưl n’gor đah nkual Kyushu n’hanh ăp n’gor bah Việt Nam, lơn lah tâm trong kan n’gor săk geh kơt nkret njêng, dŏng nău kan tuch  tăm pet lât, n’hoch dak djơh./.