Tĭng nău uănh năl ta rơh rƀŭn nchră, bol ma hôm nha geh âk nău jêr, yơn đah nău nsrôih bâh lĕ trong kan chính trị, n’gor Gia Lai hôm nha geh mât nău đăp mpăn. 14/21 nău mpŏng kan mpeh wăng sa- rêh jêng lĕ dơi geh n’hanh rlău đah nău nchrăp ngluh mbơh.

Rơh rƀŭn nchră aơ, HĐND n’gor Gia Lai mbra uănh n’hêl ăp nău mbơh tơih ƀư tĭng nău kan năm 2023 n’hanh trong kan năm 2024 bâh rnâng kan HĐND n’gor, UBND n’gor. Ngăn lah, rơh rƀŭn nchră mbra ƀư ôp nău sŏk nău knơm đah ăp nuĭh dôl mât leo kan geh HĐND n’gor săch, ƀư ôp nău ơh n’hanh ơh nău ôp tĭng nău ntrŭnh. Ntoh ngơi ta rơh rƀŭn nchră, wa Y Thanh Hà Niê Kdăm- Kruanh Hội đồng Dân tộc bâh Quốc hội ŭch HĐND n’gor Gia Lai an geh nsrôih, răng dăng lơn ta trong mbơh tơih ƀư geh săk rnglăy ăp trong kan hun hao wăng sa- rêh jêng, doh rklaih ăp nău kŏ văk tâm nău ƀư tĭng ueh trong kan, rgum ƀư tĭng 3 bôk nău kan nkô̆ mpŏng ngih dak ngluh mbơh, ntĭm đă răng dăng tâm nău kan pă prăk ntuh kơl nsum.