Rƀŏng tât nkah 75 năm nar Kruanh Hồ Chí Minh ntoh 6 nau Wa Hồ ntĭm Công an ƀon lan, kêng măng 6/3, ta Hà Nội, N’gâng kan Công an ƀư nar rƀŭn lôch nau tâm rlong ndrel ƀư nau mpla n’hơ nau tâm rlong nkra rgup nkoch mbơh nau kan “Ndâk njêng nau rêh bah nŭih công an ƀon lan nâp janh, geh nau gĭt kơl an ân ƀon lan”. Jêh rlau 3 khay rgŏ jă nau tâm rlong, Rnâng kan ndơn rlau 1000 plơk rup tâm rlong bah 500 nŭih. Ăp nau tâm rlong ntoh nkô̆: Ƀư ueh nau vay ơm, công an ƀon lan leo trong lor tâm nau ndâk njêng Đảng, ndâk njêng rmôt klogh, nâp, ƀư ueh 6 nau Wa Hồ ntĭm rlet rlau 75 năm.

Ryơk ăp nau tă roh hoach ndrle nau kan kơl an bah ăp kơn cán bộ, tahen tâm nau kan mât neh dak ndrel đăp mpăn lam nau rêh jêng. Tâm nê, âk rup nkoch tât rup gui Công an chính quy n’hao tât kan tâm dâng, rgop nau mât đăp mpăn rnă njrăng, n’hao nuih n’hâm yor dak chuêl săk jăn, yor ƀon lan kơl an. Lôch nau tâm rlong, Rmôt săch hŏ geh săch 5 giải A, 10 giải B, 15 giải C ndrel 20 giải khuyến khích./.