Kêng măng nđaơ (19/12), ta Hà Nội, Đại tướng Tô Lâm, Ủy viên Bộ Chính trị, Kruanh N’gâng kan Công an lĕ wơt Đại sứ New Zealand ta Việt Nam, wa Tredene Dobson tât mbah rhơn di lôch năm kan ta Việt Nam. Mbah rhơn Đại sứ Tredene Dobson lĕ lôch uĕh năm kan pah kan ta Việt Nam, Kruanh N’gâng kan Tô Lâm uănh lah prêh ăp nău rgop bah wa Đại sứ tâm năm kan pah kan mhe rlău, tă bah nĕ rgop khlay tâm nău ntrôl tâm boh kan ndrel Việt Nam-New Zealand lah nsum, tâm boh kan ndrel đah N’gâng kan Công an Việt Nam đah ăp ngih pah kan ƀư tĭng pháp luật New Zealand.

Kruanh N’gâng kan Tô Lâm mpŏng, năm tât, 2 ding mbra ntrôl tay mbơh ƀư săk rnglăy tay “Tâm ton kan ndrel đah N’gâng kan Công an Việt Nam n’hanh Ngih pah kan Cảnh sát ngih dak New Zealand mpeh njrăng n’gang nău tih rlŏ rlău neh dak” lĕ ký năm 2019. Mpŏng Đại sứ Tredene Dobson mbra geh âk nău nău mĭn ƀư mhe gay ntrôl dăng tâm boh kan ndrel đah 2 dak ta âk ntil.