Ta rơh geh ƀư bôk nău kan tâm nđur tâm rnglăp mât rnă njrăng ngih dak n’har bri Việt Nam - Lào - Campuchia tal 1, kêng măng 14/12, ta nkuăl ƀon têh Kon Tum, n’gor Kon Tum geh ƀư rơh tâm mâp ăp năm đah kruanh n’gâng kan mât rnă njrăng ngih dak pe dak n’hanh rơh ký tâm ton kan ăp văn kiện tâm kơl.

Ntoh ngơi ta rơh tâm mâp, Đại tướng Phan Văn Giang, kruanh n’gâng kan mât rnă njrăng ngih dak Việt Nam lah na nê̆, aơ lah du nău kan dŭt khlăy bâh lịch sử, ntop nchih tay ăp nău nkoch rêng mhe bâh nău tâm boh tâm rnglăp way ơm, tâm rnglăp n’hanh tâm kơl lĕ rngôch đah pe dak. Đại Chansamone Chanyalath, groi Thủ tướng Chính phủ, kruanh n’gâng kan mât rnă njrăng ngih dak Lào lah na nê̆, tahen pe dak lah tahen tơm khlăy tâm nău rdâk njêng, mât rbăy, hun hao nău tâm boh tâm rnglăp, tâm kơl khlăy đah pe dak. Đại tướng Tea Seiha, groi Thủ tướng, kruanh n’gâng kan mât rnă njrăng ngih dak Campuchia lah na nê̆: Bôk nău kan tâm nđur tam rnglăp tâm kơl mât rnă njrăng ngih dak tal 1 pe dak Campuchia - Lào- Việt Nam lah rơh nkhêp gay ma ăp ding ndrel uănh năl ăp nău pah kan, nău dơi geh n’hanh lah tay na nê̆ nău tâm ton nâp nâl tâm nău n’hao tâm boh tâm rnglăp way ơm, ăp dak kiau meng ueh nsĭt tay nău geh nsum an neh dak n’hanh ƀon lan.