Rơh rƀŭn Kruanh n’gâng kan nchră nau tâm boh Mekong-Lan Thương (MLC) tal 8 hŏ geh ƀư ta Bắc Kinh, Trung Quốc đah nau râng bah ăp Kruanh n’gâng kan nchră nau ndrel ntoh măt ăp dak kan nsum MLC geh Campuchia, Lào, Myanmar, Thái Lan, Trung Quốc ndrel Việt Nam. Ndơn nau jă bah Uỷ viên Bộ Chính trị, Kruanh Văn phòng uỷ ban nau kan tâm nchră Trung ương Đảng Cộng sản, Kruanh n’gâng kan nchră nau dak Cộng hoà nhân dân Trung Hoa Vương Nghị, Kruanh n’gâng kan nchră nau Bùi Thanh Sơn leo bôk rmôt kan bah Việt Nam râng rƀŭn.

Ntoh nau tâm nar rƀŭn, Kruanh n’gâng kan Bùi Thanh Sơn lah rjăp, Việt Nam uănh khlay ndrel lŏ geh nau rgop ngăn tâm nau tâm boh kan nsum đah 6 dak. Rƀŏng tât nkô̆ nau ndâk nau rêh ueh ân ƀon lan, Kruanh n’gâng kan đă 4 rmôt kơl an MLC tâm rơh tât, tâm nê geh nau hun hao ăp nau kan công nghiệp nâp, ăp nhoat ntrơn rgâl nau ê nkra, rnglăp jêng mĭn njêng, ê nkra ndrel; ntrŭt dăng nau ntrơn rgâl mrô bah nau tâm nchră nau kan mpeh nau văng sa mrô ndrel đăp mpăn mạng, tâm boh hun hao nŭih kan mrô, nkual ƀon têh blau mhe, ƀư rnoh mrô ntŭk kan jê̆, bah găp ndrel jê̆./.