Kêng măng 1/3, Đại tướng Tô Lâm, Uỷ viên Bộ chính trị, Kruanh n’gâng kan Công an, tơm nŭih rđau nar mâp măt ăp nŭih Kruanh bah ntŭk kan ntoh măt dak Việt Nam tâm dak ba dih. Kruanh n’gâng kan Tô Lâm rnơm lah, ăp nŭih kan ntoh măt, Kruanh ntŭk kan ntoh măt Việt Nam tâm dak ba dih mra ƀư ueh nau kan, lah ntung nthoi gay ma hun hao nau tâm nchră Việt Nam đah dak ba dih, n’hao nau dơi bah Việt Nam tâm dak ba dih ndrel lah ntŭk nsing rnơm nâp nâl bah nŭih Việt Nam tâm dak ba dih.

Kruanh n’gâng kan Tô Lâm rnê prêh nau kơl an, nau tâm rgop rjăp ma N’gâng kan nchră nau ân an nau kan tâm rgop tâm boh đah dak ab dih bah N’gâng kan Công an tâm rơh rlau aơ, lah rjăp nau kan tâm nchră bah rmôt Công an dôl lŏ rgâl mhe, geh dơi âk nau kan, nau ŭch bah N’gâng kan nchră nau lah nsum ndrel ăp Nŭih kan ntoh măt, Kruanh n’gâng kan ntoh măt Việt Nam tâm dak ba dih lah êng lŏ kơl an, tâm kơl ma N’gâng kan Công an pơk hvi nau tâm boh đah dak ba dih./.