VOV4.M’nông-  Măng nar 17/8, Đảng bộ, n’gâng kan phường Quán Thánh, quận Ba Đình, nkuăl ƀon têh Hà Nội ƀư nar Tâm mâp lĕ ƀon lan mât đăp mpăn rnă njrăng ngih dak”. Đại tướng Tô Lâm, kruanh n’gâng kan Công an tât râng n’hanh ntoh ngơi ta rơh tâm mâp. 17 năm ba năp, “Nar tâm mâp lĕ ƀon lan mât đăp mpăn rnă njrăng ngih dak” bâh phường Quán Thánh lĕ geh mbơh ƀư đah âk nkô̆ nău khlăy, ngăn ngên, na nê̆, săk rnglăy n’hanh geh nău trĕ lam têh khlăy, bâh nĕ n’hao nău dơi rgum lĕ bâh lĕ trong kan chính trị tâm nău ƀư tĭng nău kan mât đăp mpăn rnă njrăng ngih dak, mât đăp mpăn rnă njrăng rêh jêng.

Ntoh ngơi ta nar tâm mâp, kruanh n’gâng kan Tô Lâm kơp dơn n’hanh rnê têh ăp nău kan lĕ ƀon lan mât đăp mpăn rnă njrăng ngih dak tâm ba năp nơh. Kruanh n’gâng kan an lah bâh ăp nău kan nar tâm mâp lĕ ƀon lan mât đăp mpă rnă njrăng ngih dak an saơ nău rhơn, nsrôih tâm rnglăp n’hanh nău kơl an, nău knơm bâh ƀon lan ta nău leo kan bâh ăp gâl ủy đảng n’hanh n’gâng kan n’hanh mpôl kan công an ta ntŭk, nuĭh ƀon lan lĕ geh dơi n’hao nău ƀư tơm, nău mĭn kan n’hanh tât râng nău kan lĕ ƀon lan mât đăp mpă rnă njrăng ngih dak jêng săk dăng têh kuăng, ntop mât đăp mpăn rnă njrăng đăp mpăn tâm ăp nău kan.

Nuĭh rblang: Thị Đoắt