Vơt rhơn wa Ogata Yoshimi n’hanh ăp nuĭh kan ndrel ta mpôl đại biểu ntŭk kan cảnh sát ngih dak Nhật Bản tât khâl việt Nam tât râng rơh rƀŭn nchră tâm rnă njrăng gâl groi kruanh n’gâng kan Việt Nam- Nhật Bản tal 7, kruanh n’gâng kan Tô Lâm lah na nê̆, tâm nchră rnă njrăng gâl groi kruanh n’gâng kan Việt Nam- Nhật Bản tal 7 lĕ nta nău dơh nơih an ăp nuĭh way kan rnă njrăng, cảnh sát n’gâng kan công an Việt Nam n’hanh ăp ntŭk kan cảnh sát ngih dak Nhật Bản tâm mbơh, tâm nchră kloh rjăp, mbơh tơih mpeh ăp nău ma bar ding dŭt mât uănh.

Kruanh n’gâng kan Tô Lâm dăn đă ăp ntŭk kan têh bâh n’gâng kan công an Việt Nam n’hanh ntŭk kan cảnh sát ngih dak Nhật Bản tâm let năp tay uănh khlăy, rgum ƀư tĭng săk rnglăy ngăn doh rklaih ăp nău nuĭh tih ntoh luh tâm rnôk tâm kơl bar dak ăp nar lơ ma têh hvi, mât đăp mpăn rnă njrăng ngih dak, mât đăp mpăn nău rêh jêng, mât đăp mpăn nău dơi geh lĕ rngôch n’hanh nău geh tâm di an ƀon lan, ăp doanh nghiệp Việt Nam n’hanh Nhật Bản ta ăp dak.