Kêng măng 13/2, ta Hà Nội, Đại tướng Tô Lâm, Uỷ viên Bộ chính trị, Kruanh n’gâng kan Công an vơt wa Katherine Tai, Kruanh n’gâng kan ntoh măt ntŭk kan ƀư tăch rgâl Hoa Kỳ dôl geh rơh khâl ndrel pah kan ta Việt Nam. Kruanh n’gâng kan Tô Lâm lah rjăp, Việt Nam mro uănh khlay Hoa Kỳ lah ngoai tâm ăp dak kan nsum bôk năp, mbơh nau nchrăp, ntrŭnh ƀư nau kan, nau ntrŭnh pháp luật bah Việt Nam đăp mpăn tâm di đah nau geh dơi nsum, ăp nau tâm ton bah lam ntur neh ndrel tâm nau dơi bah pháp luật Việt Nam.

Tâm nê, nau kan đăp mpăn nau dơi ân nŭih pah kan mro tâm di đah nau ntrŭnh bah Ntŭk pah kan bah lam ntur neh, nau mât prăp rnoh mrô bah nkuăl n’har bri mro đăp mpăn geh tâm rnơm. Gay njêng nau dơi, hun hao lơn tay nau tâm boh kan nsum mpeh văng sa, tăch rgâl, ntuh kơl đah bar dak tâm rơh tât, Kruanh n’gâng kan Tô Lâm đă Ntŭk kan ntoh măt tăch rgâl bah Hoa Kỳ lŏ ƀư ueh nau dơi ntung njŏ nthoi khlay đah Chính phủ bar dak gay n’hao nau tâm boh ăp ntil Việt Nam-Hoa Kỳ./.