Lơ 6/3, ta Hà Nội, Kruanh n’gâng kan Tô Lâm vơt Tổng thư ký Hội đồng đăp mpăn neh dak Nhật Bản Akiba Takeo dôl geh rơh khâl ndrel pah kan ta Việt Nam. Tâm nar vơt,Kruanh n’gâng kan Tô Lâm lah rjăp, jêh rnôk bah srê Covid-19, Ngâng kan Công an Việt Nam rgum mât đăp mpăn ueh ntŭk ƀư nau rnă njrăng nâp chính trị, đăp mpăn nau rêh kơl an nau hun hao văng sa bah neh dak hun hao ndrih ndrel hun hao văng sa nâp nâl, kơl an nau hun hao tuch tăm hữu cơ, nau ê nkra jru mpeh ndơ tuch tăm, ndơ sa kơl an tăch luh, ntrŭt dăng nau ntrơn rgâl mrô tâm ăp nau kan công nghiệp, nê lah ăp nau kan geh nau dơi ân ntŭk kan tăch rgâl bah Nhật Bản râng nau ntuh kơl tâm Việt Nam.

Gay lŏ n’hao nau tâm boh ngăn, săk tam, hăn lăp tâm nau jru, Kruanh n’gâng kan Tô Lâm đă, tâm rơh tât, bar ding ân geh tâm pă, mbơh nau kan, ntrŭt dăng nau tâm boh tâm nau kan tư pháp, mbơh, pă nau tă blau tâm nau kan mrô mât kan hành chính. Kruanh n’gâng kan Tô Lâm đă mpeh Nhật Bản kơl an ăp nau kan tâm boh mât đăp mpăn bah Liên hợp quốc bah rmôt Công an ƀon lan Việt Nam./.