)- 1 hình

Ôi lơ 17/2, ta Ngih kan Quốc hội, Kruanh Quốc hội Vương Đình Huệ hŏ ƀư tơm rơh rƀŭn gay djăt ndrel rgop nau đah du đê̆ nau kan têh, du đê̆ nau kan hôm êng êng đah nau nchrăp Luật tâm boh nau kan (rgâl nkra). Ntoh nau tâm nar rƀŭn, Kruanh Quốc hội Vương Đình Huệ du tŏ tay đŏng lah rjăp, aơ lah nau ƀư kan tă bah ơm, ntơm bah ngai, bah năp ma mbơh Uỷ ban Rnâng kan Quốc hội rgop nau ngăn tâm rơh dăch dŭt. Jêh nê, nau nchrăp Luật tâm boh nau kan (rgâl nkra) mra geh dăn nau rgop tâm rơh rƀŭn ntoh măt Quốc hội ƀư du nau kan.

Tĭng nau nchrăp, Quốc hội uănh gay ma yor ty ta rơh rƀŭn rơh rƀŭn tal prăm tâm khay 5 năm aơ. Nau lôch tâm rơh pah kan, Kruanh Quốc hội Vương Đình Huệ đă Rnâng kan Uỷ ban Rnâng kan văng sa tâm ban ndrel ma nau nchrăp N’gâng kan nchrăp kan ndrel ntuh kơl, ăp ntŭk kan, tâm boh nau kan gay ma tâm ban du nau ƀư bah Uỷ ban Rnâng kan Quốc hội, Quốc hội, đă Groi Thủ tướng Trần Lưu Quang ƀư dăn nau rgop tay bah Chính phủ gay ma ơm tâm ban ăp nau kan têh geh mbơh tâm rơh rƀŭn./.