Tâm trôm rơh khâl na nê̆ Việt Nam, ôi 9/1, Kruanh Quốc hội Bulgaria tât khâl Đại học Quốc gia Hà Nội. Râng nar wơt Kruanh Quốc hội Bulgaria ta Đại học Quốc gia Hà Nội geh Groi Kruanh Quốc hội, Chủ nhiệm Ủy ban Đối ngoại Quốc hội, Groi Chủ nhiệm ủy ban Đối ngoại. Ta nar wơt Giám đốc Đại học Quốc gia Hà Nội Lê Quân nkoch nău lap rnôk dơi wơt Kruanh Quốc hội dak Cộng hòa Bulgaria ndrel mpôl đại biểu gưl prêh lĕ tât khâl n’hanh tâm nđŭr giảng viên, sinh viên ngih sam ƀŭt.

Đah nău way ơm kan ndrel uĕh lăng bah 2 dak, Giám đốc Lê Quân nsing nơm Đại học Quốc gia Hà Nội n’hanh ăp dại học bah 2 dak Cộng hòa Bulgaria mbra geh rơh tâm rgâl, kan ndrel jru hvi lơn tay tâm nău kan ntĭm nti, mĭn njêng khoa học, aơ lah nău khlay bôk năp ngăn an nău tâm boh kan ndrel nâp nâl đah 2 dak. Kruanh Quốc hội Bulgaria njuăl nău mbah rhơn tât kruanh ndrel sinh viên Đại học Quốc gia Hà Nội n’hanh mbơh rblang bôk nău “Tâm boh ăp ding đah Bulgaria n’hanh Việt Nam tă bah ryơk ăp rơh kơn wăng sa n’hanh văn hóa”.