Kêng măng 19/12, ta Jay Quốc hội, Kruanh Quốc hội Vương Đình Huệ hŏ ƀư tơm rơh pah kan đah Đảng đoàn Quốc hội đah Ban Thường vụ Thành ủy nkual ƀon têh Hồ Chí Minh mpeh rdâk njêng “Đề án rdâk njêng trong nchrăp Nghị quyết mpeh nău way, trong kơl an rlong ƀư njêng suan ntrôl hun hap nkual ƀon têh Hồ Chí Minh” rgâl an Nghị quyết mbrô 54 bah Quốc hội.

Đah nuih n'hâm "Nănh mĭn, nănh ƀư, yor ma nău geh nsum", Nkual ƀon têh Hồ Chí Minh ntrŏng nău ŭch tât kan, nău mĭn rdâk njêng trong nchrăp Nghị quyết rgâl an Nghị quyết mbrô 54 kơt: rgum nkra ăp nkô̆ yơn, droh rklaih ăp kŏ kol mpeh nău way, trong kan, nta trong dơh wăch rgum ntuh kơl gay kơl nkual ƀon têh mbra ƀư lôch jêh nău kan "bôk tơm" wăng sa, rgop dăng tâm nău hun hao nsum bah neh dak. Lah ta rơh pah kan, Kruanh Quốc hội Vương Đình Huệ an lah, Đề án dja dŭt n'hâm khlay kơl an Nkual ƀon têh rdâk tay ăp suan ntrôl hun hao ngăch n'hanh nâp dăng lơn đŏng, tĭng nuih n'hâm, Nkual ƀon têh Hồ Chí Minh yor ma lam dak, lam dak yor an ma Nkual ƀon têh Hồ Chí Minh. Kruanh Quốc hội Vương Đình Huệ dăn đă, Nkual ƀon têh ân rgum ăp rmôt trong kơl têh, geh rgum tơm, găl di n'hanh ngăn ngăn dôl mâp kŏ kol, kô̆ yơn khan./.

VOV/Nuĭh rblang: Điểu Thân