Ôi 22/11, Kruanh Quốc hội Vương Đình Huệ hŏ râng nkah ndray 60 năm rdâk njêng n’hanh hun hao Học viện Tài chính n’hanh wơt dơn Huân chương Lao động hạng Nhất tă bah Đảng, Ngih dak ntăm an Học viện. Lah ta rơh nkah ndray, Kruanh Quốc hội dăn đă, Học viện Tài chính mô rlu rgâl mhe mât nău kan đại học nkre đah nău dơn mât êng n’hanh nău dơn kan rblang luh trong nău rêh jêng kon nuĭh, ân lah ngoăy tâm ăp nhih pah kan hăn leo lor, tĭng dơn mât kan êng đại học dŭt geh nău tam, lơn lah dơn mât êng mpeh tơm prăk kaih.

Lah rjăp, "Gĭt blău lah n’hâm huêng neh dak", nuĭh kan lah tơm ndơ dŭt khlay, geh nkô̆ n’glêh an tât jêng hun hao bah nhih nti, kruanh Quốc hội đă Học viện Tài chính geh trong kan đăt ndal ntik uĕh tay nău way ơm uĕh lăng, rdâk njêng Học viện lah ngoăy tâm ăp ntŭk rgum têh bah lam dak mpeh “wăch rgum nuĭh gĭt blău, kơi năp nti nuih n’hâm kon nuĭh, lôch jêng lam ăp gŭ dâk kon nuĭh, hun hao tơm nuĭh kan”. Nkhêp geh rnôk dja, ntơh măt kruanh Đảng, Ngih dak, Kruanh Quốc hội Vương Đình Huệ ntăm an nai cô n’hanh nuĭh nti Học viện Tài chính Huân chương Lao động hạng Nhất (tâl 3).