Kêng măng 25/12, Kruanh Quốc hội Vương Đình Huệ râng rƀŭn ntrŭnh ƀư nau kan ntŭk kan kiểm sát ƀon lan năm 2024. Năm 2023, ntŭk kan kiểm sát ƀon lan geh âk nau nsôih, ƀư âk nau kan đăp mpăn tĭng nau dơi, nau kan, leo mhal mhe 98.369 nau tih hình sự, hao 13,4% rđil năm e. Ntŭk kan Kiểm sát ƀon lan hŏ ntrŭnh ƀư ueh ăp nau ntrŭnh bah Đảng, bah Quốc hội geh tât nau kan tư pháp ndrel nau dơi, nau kan bah Viện kiểm sát ƀon lan.

Tâm rơh tât, Kruanh Quốc hội Vương Đình Huệ đă, Viện kiểm sát ƀon lan gưl prêh rgum rgâl mhe ăp nau kan, dăp rgum ntŭk ƀư ntrong kan tĭng trong gleh, săk tam, săk rnglay, ntrŭt dăng nau ƀư ntrơn rgâl mrô ndrel dŏng nau nkoch mbơh, ƀư nâp rmôt kan, n’hao nau dơi đăp mpăn ndrel ntrŭnh ƀư nau kan tâm boh lam ntur neh tâm nau njrăng, rdâng phung tih dôih, ƀư ueh nau kan lah ntŭk kan n’gâng tơm bah Trung ương tâm nau tâm kơl tư pháp hình sự./.