Di rơh kahgĭt 95 năm nar njêng Tổng Liên đoàn Lao động Việt Nam, ôi nar 28/7, ta Cung Việt Xô, nkuăl ƀon têh Hà Nội. Tổng Liên đoàn Việt Nam ƀư rơh pă nău “Nkhôm rnê Nguyễn Văn Linh” tal 4, rnê nsơm kruanh Công đoàn ntŭk kan ba dâng, nghiệp đoàn cơ sở ntoh lư ta lam dak tal 5 n’hanh vơt dơn Huân chương lao động hạng 1 bâh kruanh dak pă an Tổng liên đoàn lao động Việt Nam.

Kruanh Quốc hội Trần Thanh Mẫn râng n’hanh ntoh ngơi ta rơh lễ. Ndơn kan an nuĭh leo kan Đảng, ngih dak, kruanh Quốc hội Trần Thanh Mẫn rnê ăp nău dơi geh ntoh lư bâh ntŭk kan Công đoàn, mpôl đoàn viên, nuĭh pah kan ta lam dak lĕ dơi geh tâm 95 năm ba năp, rhơn 10 cán bộ Công đoàn geh pă giải nkhôm rnê Nguyễn Văn Linh, n’hanh 95 kruanh Công đoàn ntŭk kan ba dâng nghiệp đoàn ntŭk kan ba dâng ntoh lư geh rnê nsơm, pă nkhôm. Kruanh Quốc hội Trần Thanh Mẫn đă, Công đoàn ăp gâl kan an geh mbơh tơih geh săk rnglăy Nghị quyết Đại hội đại biểu lam dak tal 13 bâh Đảng, Nghị quyết mbrô 2 bâh n’gâng kan chính trị mpeh nău rgâl mhe leo kan n’hanh pah kan bâh Công đoàn Việt Nam tâm nău mhe n’hanh ăp nău ntrŭnh, trong kan bâh Đảng, nău kơl pháp luật bâh ngih dak mpeh leo ƀư, pah kan bâh Công đoàn.