VOV4.M’nông-Kêng măng nar 11/8, ta ntŭk kan Quốc hội, kruanh Quốc hội Vương Đình Huệ lĕ râng tâm nchră tâm rgop nău nchrăp nkô̆ nău rơh rƀŭn nchră Quốc hội mhe rgâl yor Viện nghiên cứu lập pháp n’hanh ntŭk kan Quốc hội leo ƀư.

Ntoh ngơi ta rơh tâm nchră, kruanh Quốc hội Vương Đình Huệ lah na nê̆, rơh rƀŭn nchră lah trong pah kan tơm khlăy bâh Quốc hội. Tâm ba năp nơh, lĕ geh âk nkô̆ nău khlăy ta rơh rƀŭn nchră geh dăn nău tâm rgop bâh Quốc hội an nău rlong kan gay ma tâm di đah nău tât bâh nuh srê Covid-19 n’hanh nău ngăn. Ƀư tay trong kan rgâl mhe aơ, ăp ntŭk kan bâh Quốc hội lĕ nsrôih, ngăch ndăn mĭn uănh rdâk njêng nău nchrăp kan, leo ƀư âk rơh rƀŭn nchră, tâm nchră, dăn nău tâm rgop âk ntŭk kan, leo kan gay ma ƀư lôch nău nchrăp nkô̆ nău rơh rƀŭn nchră Quốc hội rgâl mhe. Nău nchrăp lĕ geh ủy ban pháp luật uănh năl bôk năp n’hanh ndơ̆ an Ủy ban rnâng kan Quốc hội an tâm rgop nău rơh bôk năp tal 11 ta khay 5 năm 2022.

Nuĭh rblang: Thị Đoắt