Tĭng ƀư bôk nău kan mâp cử tri bah năp Rơh hop tâl 8, Quốc hội khoá 15, ôi 30/9, Kruanh Quốc hội Trần Thanh Mẫn n’hanh Mpôl đại biểu Quốc hội n’gor Hậu Giang hŏ geh rơh mâp đah cử tri nkual ƀon têh Ngã Bảy, nkuâl Phụng Hiệp, nkuâl Châu Thành n’hanh nkuâl Châu Thành A.

Ăp cử tri dăn đă tât kruanh Quốc hội Trần Thanh Mẫn n’hanh Mpôl Đại biểu Quốc hội n’gor Hậu Giang âk nkô̆ nău geh tât trong kơl bảo hiểm y tế, Bảo hiểm xã hội; trong kơl neh ntu, trok tâm ntŭk ntrơn gŭ mhe, siƀŭt giáo khoa, trong kơl an nai ntĭm mầm non; pah kan njrăng n’gang sa khâm bah Đảng...v.v Tâm ôp đah ăp cử tri, Kruanh Quốc hội Trần Thanh Mẫn hŏ nkoch mpeh nô nău hun hao wăng sa – rêh jêng kon nuĭh bah dak he; ăp nău dơh uĕh n’hanh jêr jŏt nsum bah neh dak he, bah lam ntŭr neh. Kruanh Quốc hội Trần Thanh Mẫn lah rjăp, bah năp nô nău nê, Quốc hội hŏ n’hanh dôl rgâl nău mĭn, trong rdâk njêng pháp luật tĭng trong rƀŏng têh blău mhe n’hanh ăp nău khoah, jêr jŏt gay rgâl Luật, Nghị quyết. Yor kơt nê̆, nău rdâk njêng pháp luật ân ntoh bah ngăn ngăn, nkre ƀư nkre rhuăt luh nău tă ơm gĭt kan, sŏk nuĭh ƀon lan n’hanh doanh nghiệp ƀư rgum tơm, năn ngăch droh rklaih jêr jŏt.