Kêng măng lơ 25/8, ta ntŭk kan Quốc hội, kruanh Quốc hội Trần Thanh Mẫn lĕ leo rơh vơt. Lôch rơh vơt, bar ding lĕ tâm nchră. Ta rơh tâm nchră, bar ding ndrel tâm ban ŭch mbơh tơih an geh săk rnglăy tay trong kan n’hao nău tâm kơl kan wăng sa Việt Nam- Australia, mpŏng tât nkô̆ ŭch geh prăk tăch rgâl 2 ding geh tât 20 rmen đôlar n’hanh hao rlău 2 tơ̆ nău ntuh kơl 2 ding tâm let năp tay, ntrôl ăp nău pah kan mbơh nău tăch rgâl, tâm nđur đah ăp doanh nghiệp tăch ndơ an dak bah dih bâh 2 dak. Tâm let năp tay, Kruanh Quốc hội Trần Thanh Mẫn đă 2 ding, n’hao nău tâm mâp gâl têh n’hanh ăp Ủy ban bâh Quốc hội, đah ăp nghị sỹ 2 dak, đah 2 rmôt nghị sỹ tâm rnglăp kan ndrel gay ma mbơh nău, tâm mbơh nău tă blău kan tâm nău pah kan nghị viện, ngăn lah ta trong rdâk njêng nău kan, ƀư lôch trong kan pháp luật n’hanh uănh nđôi nău mbơh tơih ƀư tĭng pháp luật.