Kêng măng 24/7, ta ngih kan Quốc hội, Kruanh Quốc hội Trần Thanh Mẫn vơt Kruanh Thượng viện Australia Sue Lines di rnôk hăn râng chang drâu Tổng Bí thư Nguyễn Phú Trọng. Kruanh Quốc hội Trần Thanh Mẫn ân lah, nau tâm boh kan nsum đah bar Quốc hội bar ding dôl nsôih tâm rgop ntrŭnh ƀư nau nchrăp tâm boh kan đah Quốc hội Việt Nam ndrel Nghị viện Australia ký tâm năm 202.

Tâm rnôk tât, bar ding ân n’hao nau tâm mâp tâm nchră Rmôt kan gưl prêh đah Rđau kan Nghị viện ndrel ăp nghị sĩ Quốc hội bar dak. Mpeh nau tâm boh kan nsum bah Quốc hội/Nghị viện bar dak, Kruanh Thượng viện Australia Sue Lines ŭch geh âk nau rgop lơn tay tâm nau tâm boh bar dak tâm rơh tât, ngăn lah tâm ăp nau kan tăch rgâl, ntuh kơl, neh dak, rnă njrăng./.