Kêng măng nđaơ, ta Ngih Quốc hội, Kruanh Quốc hội Trần Thanh Mẫn lĕ wơt Đại sứ Hàn Quốc ta Việt Nam Choi Youngsam. Ta nar wơt, Kruanh Quốc hội Trần Thanh Mẫn mĭn lah Đảng, Ngih dak n’hanh nuĭh ƀon lan Việt Nam uănh khlay mro n’hanh mpŏng ŭch ndrel Chính phủ n’hanh nuĭh ƀon lan Hàn Quốc hun hao tay, ngăn ngên n’hanh săk rnglăy lơn tay tâm boh kan ndrel têh hvi lĕ rngôch Hàn Quốc. Aƀaơ Hàn Quốc lah kan ndrel tăch rgâl têh tal 3 bah Việt Nam (knŭng bah kơi Trung Quốc n’hanh Hoa Kỳ).

Năm 2023, geh prăk tăch rgâl 2 ding geh 76 rmen đôlar, 6 khay bôk năm geh bơi 40 rmen đôlar. Nău rƀŏng 2 dak n’hao geh prăk tăch n’gluh ăp ding hao 100 rmen đôlar tâm năm 2025 n’hanh rƀŏng tât nău ŭch geh 150 rmen đôlar tâm năm 2030 tĭng trong tâm ban, nâp nâl. Kruanh Quốc hội Trần Thanh Mẫn đă tâm năm tât, 2 ding n’hao tâm nđŭr, tâm rgâl mpôl gưl prêh n’hanh ăp gưl, ăp rmôt nghị sỹ hữu nghị Việt Nam-Hàn Quốc, Hàn Quốc-Việt Nam, rmôt nghị sỹ hữu nghị mom... tâm ăp ntil nău ndâk njêng pháp luật kơt trong kan groi nđôi.