Kêng măng 15/8, ta Ngih Quôcs hội, Kruanh Trần Thanh Mẫn wơt Đại sứ Hoa Kỳ Marc Knapper. Kruanh Quốc hội Trần Thanh Mẫn mĭn lah, Việt Nam uănh Hoa Kỳ lah dak geh nău khlay têh, n’hanh rnê rhơn Hoa Kỳ na nao ton kơl du Việt Nam nâp dăng, hun hao êng n’hanh uĕh lăng. Năm bah năp ăp nău ƀư tâm mâp n’hanh tâm rgâl mpôl dơi n’hao lĕ rngôch ăp trong, ăp gưl.

Tâm năm tât, Kruanh Quốc hội Trần Thanh Mẫn đă 2 ding mbơh ƀư săk rnglăy nău mbơh nsum n’hanh trong nchrăp ƀư Việt Nam-Hoa Kỳ gay rƀŏng tât nkah gĭt 30 năm ndâk njêng tâm boh tâm rnglăp nchră nău 2 dak tâm năm 2025. Quốc hội 2 dak an n’hao tâm rgâl mpôl gưl prêh n’hanh ăp gưl. Kruanh Quốc hội đă, Hoa Kỳ uănh mĭn tay dŭt n’hâm kơp dơn Trong ƀư Wăng sa ntŭk tăch rgâl bah Việt Nam; ơm ndơ̆ Việt Nam luh tâm săk ăp dak geh n’hŭch tăch n’gluh mpeh công nghệ mhe.