Kêng măng 21/4, ta Jay Quốc hội, Kruanh Quốc hội Trần Thanh Mẫn wơt Groi Kruanh Quốc hội Lào Suvon Luongbunmi tât khâl n’hanh pah kan ta Việt Nam. Kruanh Quốc hội Trần Thanh Mẫn nsing nơm ta nâm nău rđău kan chrat ang, grêt dăch, năn ngăch bah Đảng, nău groi nđôi geh nău tam bah Quốc hội n’hanh nău rđău đă, ƀĭt juet lĕ nuih n’hâm bah Chính phủ, neh dak n’hanh ƀon lan Lào mbra rlău dơi ăp jêr jŏt, tĭng ƀư geh nău dơi Nghị quyết Đại hội tâl XI n’hanh ƀư geh nău dơi Đại hội Đảng ăp gưl, hăn tât Đại hội Đảng lam dak tâl XII tâm năm 2026.

Kruanh Quốc hội Trần Thanh Mẫn dăn đă Quốc hội bar dak kan nsum tay lhăt, ndrel groi nđôi geh nău tam an ƀư ăp nău tâm ton gưl têh; leo mpôl tâm khâl nsum, tâm nkoch nău lư, nău tă ơm gĭt kan tâm trong kan dăp rgum, glêh tam nuĭh kan ăp nhih  pah kan Quốc hội, kan kan njêng pháp luật, leo ăp mpôl hăn groi nđôi n’hanh uănh năl nsum, ntrŭt ntrôl Chính phủ, ăp n’gâng kan, ăp n’gor n’hanh doanh nghiệp an tĭng ƀư jăp nău mbơh nsum Việt Nam – Lào.