Ôi 8/8, ta Đồng Nai, Kruanh Quốc hội Trần Thanh Mẫn tât uănh nđôi nu nău ƀư tĭng Nău nchrăp ƀư gưl 3-Nău nchrăp ƀư Tach ndeh păr quốc tế Long Thành, lvang 1. Ntoh ngơi ta rơh pah kan đah ăp ntŭk kan jêh rnôk hăn uănh ta ntŭk, Kruanh Quốc hội Trần Thanh Mẫn nkoch kloh, Tach ndeh păr quốc tế Long Thành lah nău nchrăp ƀư dŭt khlay, dơi Kruanh Đảng, Ngih dak dŭt n’hâm khlay.

Aơ lah nău nchrăp ƀư geh nkô̆ nău têh đah hun hao wăng sa-rêh jêng, rnă njrăng neh dak bah n’gor Đồng Nai, Nkual wăng sa khlay mpeh bah dâng n’hanh bah lam dak, nchrăp nsĭt tay nklăp 200.000 nău kan. Tach ndeh păr quốc tế Long Thành dơi mpŏng jêng ngoăy tâm âk ntŭk rdêng ndơ trong ndeh păr mhe ta nkual. Mpeh nău ngăch ndâk ƀư Tach ndeh păr quốc tế Long Thành, tât aƀaơ, lĕ jêh ndơ ndranh phah joi bom mìn, chuk rli, ndâk ƀư mpêr n’gar; dôl ƀư ndơ ƀư Jay ndeh, trong hao mpăr, Trong mrô 1 boăt nthoi đah Quốc lộ 51 n’hanh 03 ndơ ndranh ndâk ƀư tơm. Ăp ntil ndơ ƀư lĕ rlău nkôp đah ngăch tâm ton.