Lŏ ăp nau kan tâm rnôk hăn kan tâm ăp n’gor Đông Nam Bộ, kêng măng 3/1, Kruanh Quốc hội Vương Đình Huệ ndrel rmôt kan hŏ tâm mâp đah ăp rmôt n’gâng kan pah kan tâm mpông đah dak ba dih Mộc Bài, râng bôk nau kan tâm rnglăp tahen ƀon lan, rhơn nkah 65 năm nar vay ơm tahen biên phòng (3/3/1959-3/3/2024) pă nklâm ndơ ân 100 rnăk ach o, rnăk mâp jêr tâm nkuăl n’har bri nkuăl Bến Cầu, Tây Ninh.

Tâm rnôk tâm mâp ma n’gâng kan, Kruanh Quốc hội Vương Đình Huệ ŭch Rnâng kan mât rmôt n’gâng kan mât ân ueh nkuăl mpông n’har Mộc Bài, ndrel ăp băl ndâk nkra ntrong n’har đăp mpăn, nâp nâl, tâm boh tâm ăp nau ntoh nuih n’hâm rŏng đah Việt Nam ndrel Campuchia lah êng, pe dak Việt Nam-Lào-Campuchia lah nsum. Nchrăp vơt tết năm mhe dăch tât, Kruanh Quốc hội ŭch n’gor ân bư tĭng di nau ntrŭnh bah Ban bí thư ƀư mât chăm Tết ân kônh wa tĭng nuih n’hâm “ăp nŭih kŏ geh Tết”./.