Tâm rnôk râng tâm nchră  gưl têh Quốc hội pe dak Campuchia – Lào – Việt Nam, nar 4/12, Kruanh Quốc hội Vương Đình Huệ hŏ tât khâl du đêt kruanh rđău kan ơm bah Lào. Khâl Tổng Bí thư, Kruanh dak Lào Bounnhang Vorachith n’hanh Thủ tướng Chính phủ ơm Lào Thongsing Thammavong, Kruanh Quốc hội Vương Đình Huệ mpơl nău rhơn dơi mâp ăp nuĭh ôh nô, nuĭh băl dêh bên bah Đảng, Ngih dak n’hanh ƀon lan Việt Nam.

Kruanh Quốc hội Vương Đình Huệ mbah rhơn ăp kruanh rđău kan ơm bah Lào nkhêp geh nar Quốc khánh tâl 48 n’hanh rnê âk ăp nău dơi tâm trôm, bah dih têh kuâng ma Đảng, Ngih dak n’hanh ƀon lan Lào oh nô hŏ dơi geh tâm ăp năm aơ, tâm nê geh ăp  nău rgop dŭt têh khlay bah ăp kruanh rđău kan  ơm bah Lào. Kruanh Quốc hội mpơl nău nsing nơm, ta nâm nău rđău kan chrat ang bah Đảng ƀon lan Cách mạng Lào, neh dak Lào mbra rlău dơi ăp jêr jŏt, nar lơn ma hun hao đăp mpăn, têh ndrŏng, ƀon lan oh nô Lào nar lơn ma hơm răm n’hanh rhơn nđơr./.