Kêng măng 15/12, ta Hà Nội, Kruanh Quốc hội Vương Đình Huệ khâl ndrel pah kan đah N’gâng kan Công nghiệp neh dak. Tâm nar pah kan, Kruanh Quốc hội Vương Đình Huệ đă, N’gâng kan neh dak, N’gâng kan Công nghiệp neh dak lŏ mĭn, đă Quân uỷ Trung ương, N’gâng kan neh dak kơl nchră nau ma Đảng, Ngih dak nchrăp nau kan, ntrong kan ndâk njêng, hun hao nau kan công nghiệp neh dak tĭng nau nchrăp, nsôih êng, tĭng dơi nau mĭn, nkra, ƀư ăp ntil phao bleo, ndơ dŏng geh nau ueh, nau dŏng prêh tĭng nau đă nchrăp dŏng ân rmôt tahen, tŏng dơi nau ŭch ueh mhe bah tahen ndrel nau kan công nghiệp hoá, ueh mhe lơn bah neh dak, ndâk njêng ndrel mât neh dak tâm rnôk mhe.

Êp nê, ân geh rgum nchră nau ăp nau kan, nau ntrŭnh mpeh nau ndâk nkra nau kan hun hao công nghiệp neh dak. Kruanh Quốc hội rnơm lah, Tổng cục Công nghiệp neh dak mô nsrŭng tâm rnglăp, blau nau mhe, ndâk n’gâng kan kloh, nâp dăng, tŏng dơi nau ŭch bah nau ndâk njêng tahen ueh mhe, chính quy, blau, tâm di ma nau rnơm ŭch bah Đảng, Ngih dak ndrel ƀon lan./.